25 наурыз күні мемлекеттік қызмет саласындағы Басқарушы Өңірлік хабтың басшысы Әлихан Байменов 57 жасқа толды. «Ақжол» Қазақстан демократиялық партиясының тең төрағасы ретінде танымал болған саясаткер, 2011 жылы оппозициядан билікке өтіп Мемлекеттік қызмет істері агенттігінің төрағасы атанған болатын. Сөйтіп, демократиялық күштер басшысының бұл қадамын қоғам әрқилы бағалады. Бұған қарамастан, «Байменовтің өз электораты сақталып қалды» дейді кейбір сарапшылар.
***
Әкем Мұхамедия діни жоғары сауатты болды. Араб, парсы, шағатай тілдерін білетін. 1931 жылы 58 баппен жауапқа тартылған.
***
Ұлт мүддесін мен сонау 80 жылдардың аяғында Кеңес үкіметі тұсында да көтергенмін.
***
Мен 89 жылы Ұлытау қозғалысын және Невада -Cемейдің облыстық ұйымын басқардым.
***
Кез келген істі беріліп атқару менің әдетім.
***
Мемлекеттік қызмет - ол ерекше жауапкершілік.
***
Мен бұрыннан жалаң ұраннан гөрі нақты іспен айналысқанды дұрыс санаймын.
***
Мен қазір тек бай адамдардың қатарына жатпайтынымды айта аламын.
***
Мен өз басым саяси бәсекелестікті жауластық деп есептемеймін. Ешкімді жау деп санаған да емеспін.
***
Мен масондармен байланысы бар ешкімді білмеймін және оларға қызықпаймын.
***
Темекі шекпеймін. Ішімдіктен ептеп татқанымыз рас.
***
Тәрбиеде нақыл сөздерден гөрі, өзінің күнделікті жүріс- тұрысың, үлгің көп әсер ететін заман бүгін.
***
Менің ұстанымым «жетістікті көрмеу- соқырлық, ал кемшілікті көрмеу -жаны ашымағандық».
***
Арманым - тәуелсіздіктің нығаюына, елдің ішкі бірлігінің нығаюына, қазақтың әлемдегі озық елдердің қатарына қосылуына шамам келгенше қызмет ету.
***
Аbai.kz және Nur.kz сайттарында жарияланған материалдар пайдаланылды.