Қазақстанның биыл тәуелсіздік алғанына 24 жыл толып отыр. Осы күнге орай ұйымдастырылған іс-шаралар елімізде аяқталып, енді Жаңа жыл мерекесіне қызу дайындық басталды. Шетелдегі Қазақстан елшіліктері мен қазақ диаспорасының өкілдері тәуелсіздік күнін тойлаудан шет қалмады.
Сыртқы істер министрлігінің мәліметінше, 3 желтоқсаннан бастап бірқатар елдерде Қазақстан Республикасының тәуелсіздік күніне орай салтанатты қабылдаулар Бразилия, Мысыр, Норвегия, Катар, Иран, Венгрия елдерінде ұйымдастырылды.
Будапешттегі салтанатты қабылдау. Шара барысында ҚР Президенті Н.Назарбаевтың «Қазақстан жаңа жаһандық нақты ахуалда: өсім, реформалар, даму» атты Жолдауының мажар тіліндегі нұсқасы таратылды.
Ал Беларусияда Тәуелсіздік күнін атап өту 17-22 желтоқсан аралығында «Беларусь» кинотеатрының VIP-залында «Қазақфильм» киностудиясының соңғы жылдары түсірілген алты картинасын көрсетумен атап өтілмек.
Бұнан бөлек, Израиль, Мьянма, Австрия, Германия, Франция, Біріккен Араб Әмірліктерінде еліміздің Тәуелсіздік күніне орай салтанатты шаралар өтті.
15 желтоқсанда Мәскеуде тәуелсіздік күніне орай салтанатты қабылдау кеші өтті.
17 желтоқсан күні М.Ломоносов атындағы Мәскеу мемлекеттік университетінде «Қазақ мәдениетінің күні» өтті. Онда қазақ ұлттық тағамдары мен мәдениетінің таныстрылымы болып, «Менің атым - Қожа» атты фильмін талқылау ұйымдастырылды.
Фото Мария Волкова
Омбы қаласындағы заң академиясында "Достық көпірі: Ресей-Қазақстан" кітап көрмесі ашылды.
17 желтоқсан күні Татарстанның Достық үйінде тәуелсіздік күніне орай мерекелік концерт өтті. Қонақтарды ұлттық киімдегі қыз-жігіттер қарсы алып, Қазақстан тулары таратылды.
Фото addnt.ru
Фото "Жас Алаш" Қазан қазақтарының ұйымы
Вашингтонда қазақ-американ қауымдастығының ұйымдастыруымен мерекелік кеш өтті.
Фото Айжан Күлжанованың жеке парақшасынан алынды
Тәуелсіздік мерекесіне орай М.Ақмолла атындағы Башқұрт мемлекеттік педагогикалық университетінде "Түркіден тараған Тәуелсіз Қазақ елі" атты мерекелік шара өткізілді. Осы шара аясында шахмат, дойбыдан жарыс және шығарма байқауын ұйымдастырылды.
Фото Айзат Мұхтардың жеке парақшасынан алынды