misc/class
lib/jquery_pnotify, lib/moment, lib/lodash, misc/notification, misc/social, site/engine
$._social.__cfg = {"init":[{"service":"basic"},{"fb_app_id":"556076531075995","service":"fb"},{"vk_app_id":"3235940","service":"vk"},{"service":"twi"}],"like":[{"service":"fb"},{"service":"vk"},{"via":"GonzoKZ","channel":"GonzoKZ","hash_tag":"","service":"twi"}],"twi":{"like_count":"vertical"},"fb":{"like_layout":"box_count"},"vk":{"like_type":"vertical","like_fixed":true}}; window._SiteEngine = new classes.SiteEngine( { user_id: 0, controller: 'Blog', action: 'page', content_css_version: '1432482607', social_enabled: 1, custom: []} ); (function($){ var GA_ID = "UA-36321844-1"; function gaTrackPageview() { var gaJsHost = (("https:" == document.location.protocol) ? "https://ssl." : "http://www."); var src = gaJsHost + "google-analytics.com/ga.js"; $.getScript(src, function(data, textStatus) { var tracker = _gat._getTracker(GA_ID); tracker._trackPageview(); }); } $(document).ready(function() { gaTrackPageview(); }); })(jQuery);
Интернет-журнал «Культура и общество»
Войти через:
Комментарии
Лучшие посты
По комментариям
По просмотрам
С нами
Сейчас online
А также 69 гостей

Байыңнан таяқ жемеудің төрт тәсілі

с нами с 26 мая 2014

Ел аузында қалған мынадай аңыз әңгіме бар: бірде билердің алдына түлкіге дауласқан екеу келіпті. Сонда Төле би мен Қазыбек  Әйтекеге қарап:

- Бала, осы даудың төрелігін өзің бере қойшы... – депті.

Жауапкер:

- Мен түлкінің жүні жетілсін деп жаз басынан сыртынан бағып жүр едім, - дейді.

Талапкер:

- Мен кешегі қансонарда ізімен келіп індеттім, - дейді.

Сонда Әйтеке бала аз ойланып:

- Түлкі арлан болса – ізімен келіп індеткендікі, ұрғашы болса – жүні жетілсін деп ін баққандікі. Өйткені, ұрғашы ін сақтайды, еркек түз сақтайды, - деген екен...  сол сияқты, көп ұрғашының бірі боп, ін сақтап отырған жайым бар менің де!!! Жарты жылдай бұрын «байлы болудың бонустарын» тізіп жазған едім, өзім «байлы» болған соң теория мен тәжірибенің бір-бірімен ұштасатын-ұштаспайтынын тексеріп те жатқан жайым бар.

Бұған дейін «отбасылық өмір, ерлі-зайыптылар» турасында телеарнада айтқан пікірлеріме,әлеуметтік желіде жазған мақала, ой-түйіндеріме қарсы шығып: «Өзің байға тиіп ал, сосын ақыл айтарсың...» - деп атылған келіншектер көп болған. Әрине, сөз бен істің алшақ кетпегені жақсы ғой. Әйткенмен, пендеміз... соның ішінде – әйелміз! Мұхтар Шаханов ағамыз: «Шын мәніндегі әйел дәрежесіне көтерілу – айтуға ғана оңай, әйтпесе, азапты шаруа...» - деп жазбап па еді?..

Әйел әр түрлі. Күйеуінің табысын құрап отыратын да, құртып отыратын да әйелдер болады. Күйеулерін әлпештеп отыратын да, төмпештеп отыратын да әйелдер аз емес. Күйеуін қолдап, көркейтіп отыратын да, сыбап, сүмірейтіп отыратын да әйелдер бар... Әзілхан Нұршайықов ағамыздың күнделігіндегі осы бір жазбасы кез-келген әйел затын ойландырары хақ. «Мен қандай әйелмін?.. Сұрықсыз күндеріне сән бере алып жүрмін бе азаматымның, әлде...» - деп сұраққа берілесің еріксіз.

Жақсы әйел, меніңше, ол – байынан таяқ жемейтін әйел. Ал, байыңнан таяқ жемеу үшін қарапайым төрт қағиданы ұстанған жөн...

1

 

Тәкаппарлықты тізгінде!

 

 

 

 

Карьера қуып жүріп қалған қыздар үшін – қиындау, әрине.  Біз өзіміздікін дәлелдеп, өзіміздің дегенімізді жасап дағдыланып қалғанбыз, өйткені. Тіпті бастықтың да кабинетін неше рет тарс жауып, теріс бұрылып кеткенбіз... өз ортаңда сыйлы болу үшін кейбір әріптесті де шегелеп тұрып орнына қоюға мәжбүр боласың. Әйтпесе, «жуас түйе жүндеуге жақсы» деп басыңа шығып алады... сол ескі әдетке салып күйеуіңмен де бір күні кикілжің туындай қалса - ыршып шығасың. «Қоя сал!.. Қысқарт!..» - дегенге үнсіз қалудың орнына,  міндетті түрде, жауап қатасың. Сол кез шегіне салсаң «скандалдан» айналып өтуге болатындығын білесің, бірақ, ішіңде бір албасты отырады сыбырлап: «Жеңілме! Берілме! Өз принциптеріңе адал бол!» - деп. Өз принциптеріңе емес, өзіңнің азаматыңның принциптеріне адал болуың керек қой, біз соны мықтап есімізде ұстағанымыз жөн, қыздар!  Ақиқаты сол, ашу үстінде тіпті «ақыл» үркіп кетеді біздің қаһарымыздан... «Мен... мен бұрын бүйтуші едім... мен сүйтер едім...» - деп, дес бермейміз. Шын мәнінде, күйеуіңнің алдында кішірейе салсаң – түгің де кетпейді. «Ой, мен байымды тыпыр еткізбеймін...» - деп құрбылардың көзінше мақтанатын әйелдердің қатарында болғың келсе – ынжық күйеу таңда! Ал, қайратты мінезіне сүйсініп байға тидің екен – тәкаппарлықты тый! Өйткені, азаматың сол сен сүйсінетін мінезінен айрылған күні – сенің де сезімің өшеді. Сондықтан, сүйікті адамың БИІК боп қалсын десең, өзің төмен түс!

2

 

Кешірім сұрауды үйрен!

 

 

Қандай жағдайда болмасын, сөз таластырғаннан гөрі кешірім сұрай салған дұрыс екен. «Мен тым артық кетіп қалыппын, кешіре қойыңызшы...» - деп азаматыңнан бірінші боп кешірім сұрай салсаң – кішігірім жеңіс!!! Өйткені, ішіңдегі сол бір албасты сондайда тағы да өз әуеніне басады ғой: «Сен неге кешірім сұрауың керек?.. сен емес қой кінәлі?.. өзі кешірім сұрасын...» - деп. Кімнің кінәлі екені маңызды емес, болған жағдай – болды! Ендігі мақсат: ситуацияны басқарып алып кету. Иә, ол  - тікелей әйелдің міндеті. Иіле сал, кішірейе сал, некелі жарыңның алдында оның еш әбестігі жоқ. Айналып келгенде, тағы да 1-қағиданы қайталауға тура келеді: Тәкаппарлықты тый!!! 

3

 

Төркінге жалтақтама!

 

 

Қыз бала – жат жұрттық. Кетті ме, ол – енді басқа елдің адамы! Әрине, хат-хабар алмасып тұру керек, тек... ол «безобидный переговорлар» жас отбасында кикілжің туғызбайтындай болса... көріп жатырмыз... «мамам айтты...» - деп кетіп қалған жеңгелерді де көрдік... «Төркіні жақынның – төсегі жиылмас» деп бекер айтылмаған /сөздің астарындағы ойды ұға алмайтын оқырмандарымның бар екендігін ескере отырып, мазмұнын аша кеткенді жөн санадым. «Төркіні жақынның  - төсегі жиылмас» дегенде, міндетті түрде, төркіні  іргелес үйде тұрады деген мағынада емес. Қайын жұртынан гөрі төркініне көп елеңдейтін келіндер туралы айтылған. Әрине, қыз бала өз туыстарына бірден суып кету керек деп айтпайды ешкім. Алайда, белгілі бір шекарасы бар төркінмен қарым-қатынастың... /  Ел арасында: «Шешесі оңбады... шешесі алып кетті келінді...» - деген әңгімені естіп те жүрсіздер ғой. Таңсық дүние емес шығар?.. бұл орайда: «Анаңмен сырласқан жақсы ғой... » - деп көп қыздардың маған атыла кететінін сезіп отырмын. Иә! Кейде көңілім құлазып тұрғанда, өкпелі отырғанымда не жай үйді сағынғанымда менің де: «Мама! Мынаны қайтсем екен?.. Былай істесем дұрыс бола ма?..» - деп телефон соққым кеп тұрады. Ондай мүмкіндік жоқ менде. Шешесі жоқ қыз – казармадағы солдат сияқты болады екен: алдыңда ақылшың-кеңесшің жоқ, бәрін өз басыңнан өткересің; сүрінесің, құлайсың, орныңнан тұрып қайта қозғаласың, ақыры дұрыс бағытты тапқандай боласың...

     Ақылды шеше – дұрыс ақылын айтады ғой. «Жұбыңмен келіп тұрғайсың, жападан-жалғыз оралмай...» - дейтін Аналар аман болсын!!! 

4

 

Әйел екеніңді естен шығарма!

 

 

Әйел боп жаратылдың екен – тағдырыңа алғыс айт! Яғни сен еркектен нәзіктігіңмен, биязылығыңмен, мейірімділігіңмен, сезімталдығыңмен, кешірімділігіңмен, тіпті, оған қарағанда, әлдеқайда әлсіздігіңмен ерекшеленесің. Әрі бұл кемшілігің емес, жетістігің боп есептеледі... Мұхтар Шаханов ағамыз осылай деп жазыпты. Келіспеске болмас! Күліп тұрған күйеуінің көңіл-күйін быт-шыт етіп бұзып, бес минуттан соң қатулы қабағын аша салуға әйелдің қабілеті жетеді. Тек сол бойдағы табиғи қабілеттің тетіктерін дұрыс меңгере алмай абдырап қалып жатамыз да. Мәселен, көлікті басқару үшін де жолда жүру ережелерін және темір тұлпардың «газ-тормоз» механизмін мықтап меңгеріп алуың керек қой. Сол сияқты, еркегіңнің қай уақытта еркелегісі кеп, қашан қарны ашатынын, қай сөзіңді жылы қабылдап, қай қалжыңыңды көтере алмай шалқасынан түсе қалатынын... бәрін- бәрін зерттеп, ойға түйіп алып, сосын стратегиялық жоспар құра беруге болады болашаққа. Және: «Әйел мен еркек тең құқылы!» - деп ұрандатпай, керісінше жеңіле салғаның – ұтымды позиция! Әзілхан Нұршайықов ағамыз жазған: «Әйелдің айласы – жығылып жатып жеңіп шығуында ғой...» - деп. Иә, иә! Тағы да 1-қағиданы еске түсіруге тура келіп тұр. Өйткені, бізді құртатын сол – тәкаппарлық!  

 

 

«Молданың істегенін - істеме, айтқанын - істе» деген бар. Көптің алдында әдемі сөйлеу келеді қолымнан, әдемі етіп ойымды да жеткізе алам. Тек... іс жүзіне келгенде, мен де «идеальный» қатын боп отырғаным шамалы. Мойындаймын. Осы мақаланы жазудағы мақсатым  – көпке ақыл үйрету емес еді. Өзіме-өзім есеп бергендей боп отырмын: байға тимес бұрын не деп айттым, айтқандарымды жүзеге асыра алдым ба?.. Бұл мақаланы принтерден қағазға басып шығарып, Аяз бидің ескі шапанындай төр жаққа іліп қойсам ба деймін: ішімдегі анау албасты азғыра бастағанда тәубама түсіретін...

«Бұрын не айттым...» - дегеннен шығады ғой. Бірде, байға тимес бұрын, қою етіп шай демдеп, дастарханға өрік-мейізімді қойып /әлеуметтік желіге байланған бәлеміз ғой/ суретке түсіріп, астына: «Осындай әдемі шайды осырақ шалыңмен отырып ішкенге не жетсін!..» - деп Твиттерге салып жібергенім бар. Кейін, байға тиген соң  /ұлы сөздің ұяттығы жоқ/ жігітім абайсызда тырс еткізді ғой. Ойпырмааааай, сүйікті адамыңның осырғаны да сүйкімді болады екен ғой!!! «Ай, осырақ шалым-ай менің...» -  деп айналып-толғанып жатсам - жігітім саспайды, көзі бақырайып қарап тұр маған: «Өзің Құдайдан сұрадың ғой осырақ шал – сұрадың! Не сұрадың  - соны алдың!!!» - деп. Екеуміз, аййййй..., бір жақсылап күліп алдық-ей!!! Расында, ниетіңе қарай тілеуіңді береді екен Құдай! «Ата-енем болса екен...» - деуші ем, ол тілегім де орындалды: өзімнен айнымайтын енем бар, екеуміздің «вкусымыз» біп-бірдей! Атам – атаман! Ол кісінің бұйрығынсыз үйде шыбын да ызыңдамайды. Бірде, телефон соққанда: «Менің батыр баламның бетінен сүйіп қой!..» - дейді. «Ой, ата-ау, балаңызды сүйгеннен басқа шаруам жоқ менің...» - десем: «Содан асқан дәрежелі  іс жоқ, балам!.. » - дегені бар. Кейде ата- енемнің айтқандарын жазып жүрсем бе деп қоям қойын кітапшама, Бауыржан Момышұлының келіні сияқты, әйтпесе, есті сөз естен шығып кетеді уақыт өте келе...

Ниетіңе қарай береді Құдай! Қой жылы қыздар аз болсын деп тілеймін жалғыздықпен арпалысқан, жігіттер аз болсын жауапкершіліктен қашқан.

ҚАЗАҚ – тәуелсіз, қазақтың әйелдері - ерлеріне тәуелді боп, табиғи балансты бұзбай жүре берейікші!

Осырақ шалдарымыз аман болсын!!!

На пороге сингулярности: как изменится менеджмент в XXI веке
13 декабря 2019
GONZO
просмотров: 37
Как изменится жизнь на Земле в эпоху Четвертой промышленной революции?
Мыслите как предприниматель
13 декабря 2019
GONZO
просмотров: 35
Я только недавно влился в категорию людей, которых принято называть молодыми специалистами...

Комментарии

Жансая Абдукаримова
01 Янв 15:27 # ответить
Маладес қатын ей өзі☺
Ayakoz Bissenbaeva
01 Янв 19:06 # ответить
Маржан, 3 қайтара оқыдым, жақсы жазыпсың!! Ин ша Аллах осы жылдан қалмай бауырлар күйеуге тиіндер!! Ал, Маржан саған 2 дүниенің бақытын тілеймін! Ауырма, отбасың аман болсын!
Aidana Baktibekkizi
02 Янв 00:40 # ответить
Енди ана бакытын сезинуге жазсын
Жулдыз Ермекова
02 Янв 02:45 # ответить
Ия окып отырып көп ойландым....оқи бергің келеді екен әттең ай дәл сіз жазғандай жасасақ қой бақытты болушы едік пенде болған соң ұрысқың келіп тұрады ма иногда бір нәрсе түсінбейсін шайтанын азғырғаны деп ішімнен ойлап тұрамын....иногда отағасымен болып тұрады ұрысамыз мен бөлмеге кіріп бесплатно білдіртпей жылай саламын сонымен ашуым тарқайды....рахмет сізге осындай ойлы мағыналы мақалаңызға алла разы болсын сіздіі жақсы көремін осындай ойландыратын мақалаларыңыз көбейе берсін....
Аяжан
02 Янв 05:08 # ответить
Әдемі етіп,өте мағыналы,бәріне түсінікті қып жазған екен.Ең қатты ұнаған жолы-Әзілхан Нұршайықовтың сөзі,керемет цитата,мәтел сияқты)

Аллаһ Тағала барша нәзік жандыларға сабырлық,имандылық,жеңілдік берсін,әмин))
Гульжик Мадалиева
02 Янв 06:21 # ответить
Zharaisyn Kaspiidin ak Marzhany!Zamandasym senin on kadamyn ushin kuanyshtymyn!Bilgen,tuigeninmen bolise jur
Шаттык Онталап
02 Янв 17:20 # ответить
Әдемі жазылған... кайта кайта окуга жалыкпаймын... мен де ишимдеги "албастыны" уакытында токтата алмай каламын кейде...)
Назгуль Касымханова
02 Янв 21:28 # ответить
Мән мағынасы бар, копке улкен ой салатын дуние екен. Адал жар, Сыйлы келiн, камкор ана болу ар кыздын арманыгой,шіркін....рахмет сiзге Маржан!енді жоғалып кетпеуіндi сұраймыз...алiде жаксы дуниелер күтеміз сізден!
Назерке Кыдырбаева
03 Янв 12:27 # ответить
Өте әсерлі жазылған екен. Сіздің мақалаларыңызды сағынып қалыппыз. Анда-санда өзіңізді тәубаға келтіру үшін болсын, мейлі осылай пайдалы мақалалар жазып отырыңыз. Өзіңізге де, бізге де пайдасы тиіп қалар. Жаңа айтып өткеніңіздей Алладан не сурасаң, соны береді дейді менің анам. Сол үшін қашанда Жаратқаннан тілек тілеу керек. Өйткені ол міндетті түрде орындалады. Сізге рахмет! Тек бір мақаламен шектеліп қана қоймай, пайдалы ақыл-кеңестермен тағы да бөлісесіз деген ойдамын! Рахмет!
Назерке Кыдырбаева
03 Янв 12:32 # ответить
А айтпақшы бірде "Ел аузында" бағдарламасында жүргенде Қайрат Нұртастың әйелі қайда?! Неге көрсетпейді? деп сюжет түсіргенсіз. Не себепті әйеліңізді құпияда ұстайсыз деп сұрақтың астына алғансыз. Ал,енді өзіңіз де тұрмысқа шыққан соң, тіпті, осырақ шалыңыздан бұрын өзіңізді де көрсетпейтін болып кеттіңіз ғой. Бұрыңғыдай әдемі орамалыңыз бен өз қолыңызбен тіккен көйлектеріңізбен бір суретке түсіп инстаграмға салып жіберсеңіз. Тұрмысқа шыққан Маржан ханымның жүзін көрейік!
Sveta Dutbaeva
04 Янв 20:41 # ответить
Молодец Маржан. Окып отырып коп ойга кеттим.
Акбота Сейполданова
08 Янв 20:42 # ответить
МАШААЛЛА Маржан ести создеринизди койын китапшама тиркеп коймасам, ба кейн ИНШААЛЛА маган акыл кенесиниз жарап калар))Жаным Алла еки дуние бакытын берсин
Сандугаш Тавун
13 Янв 23:04 # ответить
Аллаға сансыз мадақ, сансыз шүкіршілік осы əпкемнің бағын ашқан! Ары қарай да өмірі гүлдей жайнай берсе екен деймін. Тіл-көзден сақтағай тфəəəй-тфəəəй. Жезделі болдық, енді бір тəп-тəтті жиенді боп қала ғойсақ Құдай сəтін сап аумин:)
Aytore Zhuldyz
14 Янв 11:45 # ответить
Тек оқып қоймай,тоқу керек екен)))
Дана Абдрасилова
15 Янв 13:53 # ответить
Керемет екен
Maktakyz
29 Янв 18:53 # ответить
Сізді үлгі тұтамын, Маржан əпке. Сізбен қатар 2014-те мен де тұрмысқа шықтым. Иə, жасырып қайтемін, қиыншылықты көріп тастадым. Сіздің мына мақалаңызды қазір оқыдым. Бір сағат бұрын жолдасыммен болмашы нəрсеге келіспей қалып едік. Сіздің жазбаңыз оң əсер етті. Қазір күйеуімді құшақ жая, жадырай күліп қарсы алайын деп отырмын. Сізге рахмет! Ақылыңыздан айналдым, əпке! :)
berik serikov
31 Янв 17:06 # ответить
Сіз бір есті,ақылыңыз бар әйел екенсіз!Алла разы болсын!
Арай Абдикалыкова
04 Февр 16:56 # ответить
Сөз жоқ, тек еңкілдеп бір жылап алдым...)) Соншалықты әсерлі айтылған..Көп жағдай көз алдымнан жүгіріп өткендей болды. РАХМЕЕЕТ!!! Ғашықпын Сізге..
Оставить комментарий
Оставить комментарий:
Отправить через:
Предпросмотр
modules/comment
window._Comment_blog_2732 = new classes.Comment( '#comment_block_blog_2732', { type: 'blog', node_id: '2732', user: 1, user_id: 0, admin: 0, view_time: null, msg: { empty: 'Комментарий пуст', ask_link: 'Ссылка:', ask_img: 'Ссылка на изображение:' } });