1997 жылы бір іскер ағамыз Алматы түбіндегі көптеген гектар жерлерін заңды түрде 10 соткадан бөлшектеп, тұрғын үй салуға ыңғайлап сатады. Сатып алушылар жақсы тұрған жерлерді ала бастайды. Көп ұзамай рэкетирлер келіп "жақсы пайда тауып жүрген пысық екенсің, егер 100.000$ бермесең, құрисың" деп бопсалаған. 1997 жыл үшін 100.000$ деген қиял ақша. Бірақ жан тәтті, сұрағанын беріп, қалған ақшамен күнін көреді.
15 жыл өтеді. Ағамыз ортаңқолды іскер болып, орташа өмір сүріп жатады. Бір жұмада намазға барып отырса, екі сақалды жігіттің қажылыққа барып келген сөздерін естіп қалады. Мұқият қараса, екі жігіт сол 1997 жылғы өзін бопсалаған рэкет жігіттер екен. "Альxамдулилляx, қажылыққа барып келдік" деп айналасындағыларға қуанышымен бөлісіп отырған жеріне барып, ағамыз сол екеуімен амандасып: "Аллаx кімнің кім екенін біледі ғой" деп, тұрып кетіп қалады. Екі жігіт іскер ағамызды бір көргеннен танығанға ұқсайды, 1997 жылғы оқиға естеріне түседі.
Кешке ағамыздың үйіне сол екі жігіт келіп 80.000$ алып келіп "Аға, қалған 20.000$ біз алмадық, басқалар еді" деп кешірім сұраған.
Самат Нұр-Таза