Біріншіден, Сізге алғыс айқым келеді. Мен де аяқ асты PR акцияға іліктім. Менің түнеугүні ғана ашқан «Инстаграм» парақшамда бірден оқырмандарым көбейе түсті. Сонымен қатар, сіздің еңбегіңізді бағалап, менің атыма шағымданып жатқандар да бар. Өзім де түсінбей қалдым. Көбіне мені «Жанарға «Түрківижнді» сатып алып бергендігі туралы айтыпсың» деп айыптауда. Инстаграм әлеуметтік желісінде осы бір мәселе қызу талқыға түсіп жатқан ұқсайды. Ең алдымен, Жанар «Түрківижн»-ді жеңіп алғанда фейсбук, твиттер парақшамда тек позитивті пікірлер жазылды. Менің тарапымнан "сатып алынғандығы" жайлы ешқандай да пікірлер жазылған жоқ. Оны фейсбук, твиттер жазбаларынан көруге әбден болады.
Сондықтан бұл жерде түсініспеушілік бар деп ойлаймын. Сіздің кездесуде алғаш рет продюсер ретінде Динара Адамдыды мойындайтынызды, одан да үйренеріңіз бар екенін «жұрт алдында» айтқан сияқтысыз. Мен бұл мәлімдемені Динара Адамның Қазақстандағы «Түрківижнді» ұйымдастырушысы ретінде арада болған жақсы қарым-қаныстарыңызбен байланыстырдым. «Жылымық» сөзі жақсылықты білдіреді, бұл «сатып алды» деген мағынада емес еді. Бұл сөздің тарихи мағынасы бар. 1954-1964 аралығын «жылымық» кезеңі деп атайды. Егер Сіз ойлағандай болса, жоғарыда көргеңіздей Жанардың жеңісін әлеуметтік желіде жарыса жазбаған болар едік.
Екіншіден, блог жазбамда Сізді «қазақ шоу-бизнесіндегі «PR-дың анасы» деп абыройыңызды асқақтаттым. Жазбаның басты мақсаты да осы еді. Блог-жазбаның композициялық құрылымы да соңына дейін дәлелдей түседі. Бұл оқырман үшін шу шығаратын мәселесі емес, керісінше әлеуметтік желіде өз пікірін білдіріп жатқан журналист, тележурналистерге, қарапайым қолданушыға "басу айту" болатын. Өз басым Сіздің «Мен мойындайтын тележүргізуші жоқ» деген сөзіңізге сене алған жоқпын. Ал «Жанардың жақында жеткен жеңісі әсер етпей қоймады. Гәптің көкесі осы жерде» дегені Жанардың жеңісі сізге «өзіңізге деген сенімділігіңізді» одан сайын күшейте түсті. Соны меңзеп жазған болатынмын.
Мен Ермек Тұрсыновтың деңгейіндегі интеллектуал адам емеспін. Әрине, қателіктер болады. Осы сәтті пайдаланып, сізден ең бастысы түсініспеушілік үшін, шығармашылығыңызға нұқсан келтіргенім үшін кешірім сұраймын. Келер жылы жаңа табыстарға жетіңіз. «Барлық мақтау Аллаға ғана тән ғой», сіздің кино түсіру саласындағы шеберлігіңіз жайлы, еңбегіңізді бағалап, мақала жазған болатынбыз (Баян Есентаева «Тракторшының махаббатын» несиеге түсірді ме? http://www.kazakhstanzaman.kz/?p=2618). Алайда дәл бүгінгідей дау-дамайға қалған жоқ
